وەزارەتی دادی فیدڕاڵی رایگەیاند، مانگی رابردوو 649 زیندانیکراو ئازادکراون.
ئەمڕۆ پێنجشەممە، وەزارەتی دادی حکومەتی عێراق رایگەیاند، کۆی گشتی ئەو زیندانییانەی لە مانگی نیساندا ئازادکراون گەیشتووەتە 649 زیندانیکراو.
لە بەغدا و سەرجەم پارێزگاکان
راشیگەیاندووە، زیندانیکراوەکان لە سەرجەم پارێزگاکان و بەغدا و بە بڕیاری تەمیزی یاخود تەواوکردنی ماوەی سزاکانیان، ئازادکراون.
وەزارەتی داد باسی لەوەش کرد، بەڕێوەبەرایەتی گشتی چاکسازییەکان، بەردەوام بەدواداچوون دەکات بۆ میکانیزمی ئازادکردنی زیندانیکراوان دوای کۆتاییهاتنی سەرجەم رێوشوێنە یاساییەکان.