رێکخەری سەنتەری میترۆ لە کۆبوونەوەیدا لەگەڵ ئۆڵریک شانۆن، باڵیۆزی کەنەدا
لە عێراق باسی لە پڕۆژە گرنگەکانی سەنتەری میترۆ کرد.
سەنتەری میترۆ لە زاری رەحمان غەریب، رێکخەری سەنتەری میترۆ
بڵاویکردووەتەوە:" سەنتەرەکەیان چەندین پڕۆژەی ئەنجامداوە لەوانە ( چاودێری
یاسای رۆژنامەگەری لەگەڵ رێکخراوی IMSی دانیمارکی، دەنگەکانمان، چاپکردنی بەرهەمی
هەندێک لە رۆژنامەنوسان، هاوکاری رۆژنامەنوس و چالاکوانانی هەڵهاتوو لە ناوەڕاست و
خوارووی عێراق، راهێنانی زیاتر لە ١٠٠ رۆژنامەنووس بەپشتیوانی وەزارەتی دەرەوەی
ئەمریکا بە هاوبەشی لەگەڵ رێکخراوی CDO)".
باسلەوەشکراوە:" پڕۆژەی دەنگەکانمان لە دەیان چالاکی جۆراوجۆری وەک (
پێگەیاندنی خانمان و چالاکوانانی مەدەنی، دروستکردنی بانکی زانیاری بۆ خانمە
دیارەکان لە بواری جۆراوجۆر لەگەڵ رێکخراوی INTERNEWSی ئەمریکی) پێکدێت".