وتەبێژی وەزارەتی كشتوكاڵی عێراق رایگەیاند، كشتوكاڵی عێراق بەرهەمی گەنمی هەرێمی كوردستانیش وەردەگرێت و پێداویستی عێراق بۆ گەنم لە ساڵێكدا پێنج ملیۆن تۆنە.
محەممەد خوزاعی، وتەبێژی وەزارەتی كشتوكاڵی عێراق لە لێدوانێكدا رایگەیاند:" هاوشێوەی جوتیارانی عێراق مامەڵە لەگەڵ جووتیارانی هەرێمی كوردستان دەكەین و كشتوكاڵی عێراق بەرهەمی گەنمی هەرێمی كوردستانیش وەردەگرێت".
گەنمی جوتیارانی هەرێمی كوردستان دەكڕینەوە
ئاماژەی بەوەشكردووە:" گەنمی جوتیارانی هەرێمی كوردستان دەكڕینەوە، پێداویستی عێراق بۆ گەنم لە ساڵێكدا پێنج ملیۆن تۆنە و عێراق هیچ گرێبەستێكی نوێی نییە بۆ كڕینی گەنم".
پێشبینی دەكەین بەرهەمهێنانی گەنم لە عێراق و هەرێمی كوردستان بۆ ئەم ساڵ بگاتە حەوت ملیۆن تۆن
باسی لەوەشكردووە:" پێشبینی دەكەین بەرهەمهێنانی گەنم لە عێراق و هەرێمی كوردستان بۆ ئەم ساڵ بگاتە حەوت ملیۆن تۆن و یەكەمجارە عێراق بگاتە ئەو ئاستە لە بەرهەمهێنانی گەنم".