بڕیارە لە هەفتەی داهاتوودا لیوا هاوبەشەکانی نێوان پیشمەرگە سوپای
عێراق لە سنووری هەردوو پارێزگای کەرکوک و دیالە دەستبەکار بن، بە تایبەت لەو ناوچانەی
بۆشایی ئەمنی لە نێوانیاندا هەیە.
عەبدولخالق تەڵعەت، نوێنه‌ری حكومه‌تی هه‌رێمی كوردستان له فه‌رمانده‌یی
ئۆپه‌راسیۆنه هاوبەشەکانی عێراق ئاماژەی بەوەکرد:" لەم هەفتەیەدا هەموو
ئامادەکارییەکان تەواو دەبن، هەفتەی داهاتوو لیوا هاوبەشەکان لە سنووری کەرکوک و
دیالە دەستبەکار دەبن ".
دوو مانگە مووچە وەردەگرن
ئەوەشی خستەڕوو:" دوو مانگە لیوا هاوبەشەکان مووچە وەردەگرن و
مەشقێکی سێ مانگەشیان تەواو کردووە و ئامادەن ".
ئەو هێزە لە دوو لیوای هاوبەشی نێوان هێزەکانی پێشمەرگە و سوپای عێراق
پێکهێنراوە، کە ژمارەیان سێ هەزار و 500 کەس دەبێت و ئەرکیان پاراستنی 560 هەزار
کیلۆمەترە، بە تایبەت ئەو ناوچانەی دەکەونە نێوان هێزەکانی پێشمەرگە و سوپای عێراق.