بەپێی ئامارەكان و لە دەستپێكی ساڵی 2024وە، تا شەوی رابردوو، نۆ جار رووداوی ئاگركەوتنەوە لە بازاڕ، دوكان و كۆگاكانی هەولێر كەتووەتەوە و چەندجارێك گروپێكی رەگەز پەرستی توركی بەرپرسیارێتی خۆی لە رووداوەكان راگەیاندووە.
ئامارەكانیش بەم شێوەیەن:-
- لە (17/2/2024)، دووكانێك لە بازاڕی رووناكی سوتا.
- (12/2/2024)، ئاگر لە چەند كۆگایەك لە كۆگاكانی پیشەسازیی باكوور لە هەولێر كەوتەوە.
- (27/2//2024)، بازاڕی لەنگەی هەولێر سوتا.
- (9/3/2024)، كۆگایەك لە نزیك ناوچەی پپیشەسازیی باكووری هەولێر گڕیگرت.
- لە (13/3/2024)، سووتانی چەند دووكانێك لە بازاڕی فەرمانبەرانی هەولێر راگەیەندرا.
- (27/3/2024)، ئاگر لە چوار كۆگای قوشتەپەی هەولێر كەوتەوە.
- لە (8/4/2024)، جارێكی دیكە بازاڕی لەنگەی هەولێر سوتا.
- (23/4/2024)، ئاگر لە چەند دووكانێكی بازاڕی شێخەڵای هەولێر كەوتەوە.
- (5/5/2024)، ئاگر لە بازاڕی قەیسەری هەولێر كەوتەوە و 370 دوكان سوتان.