بەهۆی ئاگرەکەی شەوی رابردووی بازاڕی قەیسەری شاری هەولێر زیانێکی زۆر بەر کاسبکارانی بازاڕەکە کەوتووە و بەشێکی زۆری دوکان و کۆگاکانی ئەو بازاڕە سووتاون.

بە گوێرەی زانیارییەکانی بی ئێم سی، سەرباری هەوڵەکانی تیمەکانی بەرگری شارستانی هەولێر بۆ کۆنتڕۆڵکردنی ئاگرەکە، بەهۆی ئەو رووداوەوە 227 دوكان و حەوت كۆگا لە بازاڕی قەیسەری هەولیر سووتان، کە زۆربەیان دوکانی زێڕەنگەر و جلوبەرگ بوون.

سووتانی بازاڕی قەیسەری هەولێر لەکاتێکدایە لە ماوەکانی رابردووشدا چەند جارێک ئاگر لە بازاڕی لەنگە و شێخەڵای شارەکە کەوتووەتەوە، داواش دەکرێت مەرجەکانی سەلامەتی و ئاگرکوژێنەوە لە بازاڕ و شوێنە گشتییەکان پتەوتر بکرێن، بۆ ئەوەی رێگری بکرێت لە دووبارەبوونەوەی ئەو حاڵەتانە.