سەرۆكی هەرێمی كوردستان لەبارەی رۆژی هەڵبژاردن و چارەسەری كێشەكان، زانیاری دەخاتەڕوو.
پاش ئەنجامدانی چەند كۆبوونەوەیەك لەگەلچ بەرپرسانی باڵای ئێران، نێچیرڤان بارزانی، سەرۆكی هەرێم لە كۆنگرەیەكی رۆژنامەوانیدا رایگەیاند:" دەمانەوێت لەگەڵ ئێراندا كێشەكان چارەسەر بكەین و دوپاتی دەكەینەوە كە هەرێم پابەندە بە رێزگرتن لە دراوسێكانی و نابێت خاكی هەرێم بۆ یەكلاكردنەوە و ئەنجامدانی هێرش بەكاربهێندرێت".
بەهیچ شێوەیەك پۆستی سەرۆكی هەرێم بۆ بەرژەوەندی سیاسی و ئایدۆلۆژی حزبی بەكارناهێنم
وتیشی:" بەهیچ شێوەیەك پۆستی سەرۆكی هەرێم بۆ بەرژەوەندی سیاسی و ئایدۆلۆژی حزبی بەكارناهێنم و ئەو پۆستە بۆ خزمەتی خەڵكی هەرێمی كوردستان بەكاردەهێنم".
ئەو دەنگۆیانەی باس لە دواخستنی هەڵبژاردن دەكەن دوورن لە راستییەوە
لەبارەی هەڵبژاردنەكانی هەرێمی كوردستانیشەوە، نێچیرڤان بارزانی جەختی لەوەكردەوە:" بەهیچ شێوەیەك وادەی هەڵبژاردنەكان نەگۆڕاوە و ئەو دەنگۆیانەی باس لە دواخستنی هەڵبژاردن دەكەن دوورن لە راستییەوە".