بڕیارە ئەمڕۆ بافڵ جەلال تاڵەبانی لە واشنتن زنجیرەیەك دیدار و كۆبوونەوە لەگەڵ بەرپرسانی باڵای ئەمریكا ئەنجامبدات.
رۆژی دووشەممە بافڵ جەلال تاڵەبانی، سەرۆكی یەكێتی نیشتمانی كوردستان بە سەردانێكی فەرمی گەیشتە واشنتن-ی پایتەخ و وابڕیارە ئەمڕۆ زنجیرەیەك دیدار و كۆبوونەوە لەگەڵ بەرپرسانی باڵای ئەو وڵاتە ئەنجامبدات كە بەشێكی كۆبوونەوەكان پەیوەستن بە دۆخێ ئێستای هەرێم و عێراق؛ ئەویش لە چوارچێوەی سیاسی، ئابووری و ئەمنی.
سەرۆكی یەكێتی لەگەڵ لێپرسراوانی وەزارەتی دەرەوە و كۆنگرێسی ئەمریكاش كۆدەبێتەوە
لەلایەكی دیكەشەوە، سەرۆكی یەكێتی بێجگە لەوەی چەند دیدارێك لەگەڵ لێپرسراوانی ناوەندەكانی توێژینەوە ئەنجامدەدات، لەگەڵ لێپرسراوانی وەزارەتی دەرەوە و كۆنگرێسی ئەمریكاش كۆدەبێتەوە.