لە مەشهەدی ئێران، تا ئێستا بەهۆی لافاوەوە 19 کەس گیانیان لەدەستداوە و ژمارەیەکی دیکەش بێسەروشوێنن.
ئەمڕۆ پێنجشەممە، موحسین زاکریان، سەرۆکی کۆمەڵەی هیلالی سور لە شاری مەشهەدی ئێران رایگەیاند، تا شەوی رابردوو گیان لەدەستدانی حەوت کەس و بێسەروشوێنبوونی 16ی دیکە تۆمارکرابوو.
19 کەس گیانیان لەدەستداوە
وتیشی، بەڵام بەیانی ئەمڕۆ تەرمی ژمارەیەک کەس دۆزرایەوە، بۆیە ژمارەی ئەوانەی گیانیان لەدەستداوە بەرزبووەوە بۆ 19 کەس و لە هەمان کاتیشدا هێشتا پێنج کەسی دیکە بێسەروشوێنن.
لافاوەکە لە ماوەی دوو رۆهی رابردوودا سەریهەڵدا، ئەویش دوای ئەو شەپۆلە چڕەی باران بارین کە ناوچەکەی گرتەوە، ئەمڕۆش وەزیری ناوخۆی وڵاتەکە گەیشتە مەشهەد.