وەزارەتی دارایی عێراق رایگەیاند، دەستبەدابەشکردنی مووچەی مانگی ئایاری خانەنشینانی سەربازی و مەدەنی دەکرێت.
وەزارەتی دارایی عێراق رایگەیاند، فەرمانگەی ژمێریاری لە ئەمڕۆ پێنجشەممەوە، دەستیکردووە بە دابەشکردنی مووچەی مانگی ئایاری خانەنشینانی مەدەنی و سەربازی.
رێککارەکانی بەرزکردنەوەی مووچە تەواودەکرێن
وتیشی، لەگەڵیشیدا رێککارەکانی بەرزکردنەوەی مووچە لەلایەن دەستەی نیشتیمانی خانەنشینی و هەردوو بانکی رەشید و رافیدەین لە رێگەی کارتی بانکی تایبەت بە خانەنشینان تەواو دەکرێت.
دارایی فیدڕاڵی راشیگەیاند، خانەنشینان دوای پێگەیشتنی کورتە نامەیەک دەتوانن سەردانی لقی بانکەکان یاخود پەنجەرەکانی پارەدانی ئەلیکترۆنی بکەن بەمەبەستی وەرگرتنی مووچەکانیان.