وتەبێژی پارتی رایگەیاند، لەگەڵ سیستەم و شێوازی بەڕێوەچوونی
هەڵبژاردنی خولی شەشەمی پەرلەمان کۆک نین، دەشڵێت " هەڵوێستمان نەگۆڕاوە
".
مەحمود محەمەد، وتەبێژی پارتی دیموکراتی کوردستان ئاماژەی
بەوەکرد:" وەک پارتی لەگەڵ سیستەم و یاساکانی
هەڵبژاردن و ڕێگریی لە بەشداریی پێکهاتەکان کۆک نەبووین ".
وتیشی:" پێکهاتەکان بەشێکی جەستەی دانەبڕاوی ناوی کۆمەڵگەی کوردستانن،
بەهۆی رێگری کردن لە بەشداریکردنیان ئەو هەڵوێستەمان وەرگرت ".
وتەبێژی پارتی باسی لەوەشکرد، هەڵوێستەکانیان دەربارەی هەڵبژاردنی
پەرلەمانی کوردستان، نەگۆڕاوە .
ڕۆژی 21ـی
شوباتی 2024 دادگای فیدراڵی عێراق بڕیاریدا بە هەڵوەشاندنەوەی کورسی پێکهاتەکان لە
پەرلەمانی کوردستان، بەوەش ژمارەی کورسییەکانی پەرلەمان لە 111 کورسییەوە بۆ 100
کورسی کەمکرایەوە.