سەرۆك وەزیرانی ئیسڕائیل سەبارەت بە پلانە سەربازییە نوێیەكانیان دژ بە چەكدارانی حەماس زانیاری نوێ ئاشكرا دەكات.
بێنجامن نێتنیاهو، سەرۆك وەزیرانی ئیسڕائیل لە لێدوانێكدا رایگەیاند:" بە تەواوی هێزمانەوە فشاری زۆر تووندتر دەكەینە سەر چەكدارانی حەماس".
فشارە سەربازییەكانمان بۆ رزگاركردنی دیلەكانمانە
ئاماژەی بەوەشكردووە:" فشارە سەربازییەكانمان بۆ رزگاركردنی دیلەكانمانە و سوورین لەسەر ئەوەی هاوڵاتیانمان كە لەلایەن چەكدارانی حەماسەوە دەستگیركراون بیان گێڕینەوە وڵاتەكەمان".
لای خۆشییەوە بەرپرسانی بزووتنەوەی حەماس رەوانەكردنی هاوكاری سەربازی نوێ لەلایەن ئەمریكاوە بۆ سوپای بەرگری ئیسڕائیل-یان بە هەڵكردنی گڵۆپ سەوز بۆ دەسترێژیكردنی زیاتر بۆسەر هاوڵاتیانی فەڵەستین ناوزەند كرد.