لەبارەی بەدواداچوون و وردبینی لە پڕۆژەی كردنەوەی رێڕەوی روباری خاسە لە پردی غەرناتە بۆ پردی چوارەم كە تێیدا گەندەڵی ئەنجامدراوە، دەستەی نەزاهە زانیاری ئاشكرا دەكات.
دەستەی دەستپاكی عێراق (نەزاهە) لە راگەیەندراوێكدا بڵاویكردەوە:" ستافی فەرمانگەی لێكۆڵینەوەی دەستپاكی كەركوك بەدواداچوون و وردبینی لە پڕۆژەی كردنەوەی رێڕەوی روباری خاسە لە پردی غەرناتە بۆ پردی چوارەم ئەنجامداوە كە كە تێچووی دوو ملیار و 148 ملیۆن دینار و گومانی گەندەڵی لە پڕۆژەكە بەدیكردووە".
كۆمەڵێك سەرپێچی كراوە، لەوانەش بەكارھێنانی ھەندێك كەرەستەی پڕۆژەی دیكە
هەر بەپێی راگەیەندراوەكەی دەستەی دەستپاكیش بێت:" كۆمەڵێك سەرپێچی كراوە، لەوانەش بەكارھێنانی ھەندێك كەرەستە كە لە پڕۆژەكانی دیكەوە گواستراونەتەوە بۆ پڕۆژەكە".
ئەمە جگە لەوەی كۆمپانیای جێبەجێكار پێش قیرتاوكردن، شەقامەكانی بۆیاخ كردووە و كارەكانی ڕووپۆشكردووە بە ئاگاداری و ڕەزامەندی سەرپەرشتیارانی پڕۆژەكە لەكاتێكدا دەبوو دواتر ئەنجامی بدات.