بەڕێوەبەرایەتی بەرگری شارستانی هەولێر بە بڵاوکردنەوەی ڤیدیۆیەک هۆکاری دروستبوونی ئاگرەکەی بازاڕی شێخەڵڵای ئاشکرا کرد.

بەڕێوەبەرایەتی بەرگری شارستانی هەولێر رایگەیاند:" دوێنێ سێشەممە، دوو رووداوی ئاگرکەوتنەوە لە بازاڕی شێخەڵڵا کەوتەوە و دەستبەجێ تیمەکانی بەڕێوەبەرایەتییەکەمان گەیشتنە شوێنی رووداوەکە و توانرا لە ماوەیەکی کەمدا کۆنتڕۆڵی هەردوو رووداوەکە بکرێت، هەروەها جگە لە زیانی ماددی هیچ زیانێکی گیانی لێنەکەوتەوە".

ئاماژەی بەوەشکرد:" دوای کۆنتڕۆڵکردنی ئاگرەکە لیژنەیەکی تایبەتمەند پێکهات لەسەر ئاستی هەرسێ بەڕێوەبەرایەتی بەرگری شارستانی، بەڕێوەبەرایەتی ئاسایشی هەولێر و بەڕێوەبەرایەتی پۆلیسی هەولێ بە مەبەستی لێکۆڵینەوە لە هۆکاری کەوتنەوەی ئاگرەکە".

رووداوی یەکەم بەهۆی ماتۆڕی موبەریدەیەکەوە لە سەربانی دوکانەکە روویداوە

باسی لەوەشکرد:" دوای لێکۆڵینەوەکان دەرکەوت، رووداوی یەکەم بەهۆی ماتۆڕی موبەریدەیەکەوە لە سەربانی دوکانەکە روویداوە و رووداوی دووەمیش، بەهۆی شۆڕتی کارەباوە بووە بە پشتبەستن بە گرتەی ڤیدیۆی کامێراکانی چاودێری".