جەعفەر شێخ مستەفا رایگەیاند، شەوی رابردوو لە کاتی رووداوەکەدا لە هەولێر بووم و ئاگاداری رووداوەکە نەبووم.
ئەمڕۆ سێشەممە ٢٢ی حوزەیران، جەعفەر شێخ مستەفا جێگری سەرۆکی هەرێمی کوردستان بە BMC راگەیاند:" لەکاتی رووداوی تەقەکردنەکەی شەوی رابردوودا لە هەولێر بووم و ئاگام لە بابەتەکە نەبووە".
دادگا داوای هەرکەسێک بکات ئێمە ئامادەین بینێرینە بەردەم دادوەر
ئاماژەی بەوەشکرد:" هێزەکانی پۆلیس و ئاسایش با لێکۆڵینەوە بکەن و دادگا داوای هەرکەسێک بکات ئێمە ئامادەین بینێرینە بەردەم دادوەر".
شەوی رابردوو لە گەڕەکی سەرچناری شاری سلێمانی گرژی و ئاڵۆزی لە نێوان هێزە ئەمنییەکانی شار و هێزی ئاڵتونیدا دروستبوو بەو هۆیەوەشەوە ١٠ کەس برینداربوون.