ژنە پەرلەمانتاری کورد لە پەرلەمانی سوید
ئامینە کاکە باوە رایگەیاند، مایەی نیگەرانییە سوید ملکەچی داواکارییەکانی تورکیا
دەبێت.
ریككەوتوون لەسەر هەناردەکردنی چەک و زیادکردنی هەوڵەکانیان لە دژی تیرۆر
ئامینە کاکەباوە ژنە پەرلەمانتاری کورد لە
پەرلەمانی سوید رایگەیاند:" سوید و فینلاندا بە داواکانی تورکیا رازیبوون کە لە ساولی نینیستۆی سەرۆکی فینلاندای کردووە و ریككەوتوون لەسەر هەناردەکردنی چەک و
زیادکردنی هەوڵەکانیان لە دژی تیرۆر".
تورکیا وڵاتێکی دیکتاتۆری ئیسلامیە و رێز لە مافی مرۆڤ ناگرێت
ئاماژەی بەوەشکرد:" مایەی نیگەرانییە کە
سوید ملکەچی ئەو داواکارییانەی تورکیا دەبێت، چونکە تورکیا وڵاتێکی دیکتاتۆری
ئیسلامیە و رێز لە مافی مرۆڤ ناگرێت و کە رێگەی دەستدرێژییە سەربازییە
نایاساییەکانی و داگیرکردنی سوریاوە و یاسا نێودەوڵەتییەکانی پێشێلکردەوە".
یەپەگە و یەپەژە ئازادیخوازن و جیهانیان لەدەستی داعش رزگارکرد
باسیلەوەشکرد:" ناتوانرێت بەرەنگاری
تیرۆر ببنەوە بە رێگەدان بەوەی تیرۆرستان بڕیار بدەن کێ تیرۆرستە، یەپەگە و یەپەژە
ئازادیخوازن و جیهانیان لەدەستی داعش رزگارکرد، ئەمەش وایکرد سوید و هەموو جیهان
سەلامەتی زیاتر بەدەستبهێنن".
پێویستە پەرلەمانتارەکان بانگی وەزیری دەرەوە بکەن و روونبکردنەوەی پێویست بدرێت
ئامینە کاکەباوە ئاشکراشیکرد:" سبەی
نووسراوێک پێشکەش بە وەزیری دەرەوە دەکەم سەبارە بە وردەکارییەکانی رێککەوتنەکە و
پێویستە پەرلەمانتارەکان بانگی وەزیری دەرەوە بکەن و روونبکردنەوەی پێویست بدرێت".
شایەنی باسە شەوی رابردوو سکرتێری گشتی ناتۆ
رایگەیاند، فینلاندا و سوید لەگەڵ تورکیا گەیشتوونەتە رێککەوتن سەبارەت بە ئەندامبوونیان
لە گروپی ناتۆ.