بەڕێوەبەرایەتی کارەبای سلێمانی رایگەیاند،
هەر هاوبەشێک دەستکارى پێوەرە زیرەکەکە بکات، رووبەرووی رێکاری یاسایی دەبێتەوە.
بەڕێوەبەرایەتی کارەبای سلێمانی لە
راگەیەندراوێکیدا ئاماژەی بەوەکردووە:" ئەو هاوڵاتییانەی کارەبایان هەیە و
پێوەری زیرەکیان بۆ بەستراوە، بەڵام بەفەرمی ئیشتراکیان نەکردووە، پێویستە لەماوەی
یەک مانگدا سەردانی هۆبەکانی فرۆشتنی وزەی بەڕێوەبەرایەتیەکانی کارەبا بکەن
".
ئەوەشی خستووەتەڕوو:" دەبێت ئەو
هاوبەشانە لەو ماوەیەدا بەشێوەی خۆیان تۆمار بکەن و ئیشتراک بکەن، بەپێچەوانەوە
کارەباکەیان کەم دەکرێتەوە و تا مامەڵەی هاوبەشیکردنەکەی بەفەرمی تەواو دەبێت
".
کارەبای سلێمانی روونیشیکردووەتەوە:" هەر
هاوبەشێک دەستکارى پێوەرە زیرەکەکە بکات، رووبەرووی رێکاری یاسایی دەبێتەوە
".