بافڵ جەلال تاڵەبانی رایگەیاند، بناغە بۆ حوكمڕانییەكی نوێ دادەڕێژن کە خزمەتی خەڵك بكات.

بافڵ جەلال تاڵەبانی سەرۆکی یەکێتی پێشوازیکرد لە ئۆلێگ ڤلادیمیرۆڤیچ لێڤین، كونسوڵی گشتیی روسیا لە هەرێمی كوردستان و ئاماژەی بەوەکردووە:" لەگەڵ دۆستەکانمان لە بەغداد بناغە بۆ حوكمڕانییەكی نوێ دادەڕێژین کە ئامانج لێی بەھێزکردنی پایەکانی دەوڵەت و فراوانکردنی خزمەتەکانی بێت بۆ خەڵک".

ئەوەشی خستووەتەڕوو:" دەبێت هاوبەشی و شەراكەتی راستەقینە بنەمای حكومەتی نوێ بن و هەموو هەنگاوەكانیش لە چێوەی یاسا و دەستووردا بن و مافی هەموولایەك پارێزراوبێت ".

سەرۆکی یەکێتی باسی لەوەشکردووە:" دەبێت حكومەتی نوێ خزمەتی هەموو عێراقییەكان بكات بەبێ جیاوازی و دووربێت لە جیاكاری و دەمارگیری ".