دوای ئەوەی گوڵپارێزی یانەی ئیستقلالی ئێرانی لەناو یاریگا باوەش بە کچە هاندەرێکی یانەکە دەکات، چەند کارمەندێکی پۆلیس لەو گۆڵپارێزە دەدەن و دەیبەنە دەرەوەی یاریگاکە.

بە گوێرەی گرتەیەکی ڤیدیۆیی کە لە میدیاکانی ئێران بڵاوبووەتەوە، کچە هاندەرێک دەچێتە ناو گۆڕەپانی یاریگا و داوا لە حسێن حسێنی گۆڵپارێزی یانەی تۆپی پێی ئیستقلالی ئێرانی دەکات باوەشی پێدا بکات، ئەویش داواکەی جێبەجێ دەکات و باوەشی پێدا دەکات، ئەوەش کارمەندانی پۆلیسی ناو یاریگاکە توڕە دەکات و بەهۆیەوە هێرش دەکەنە سەر گۆڵپارێزەکە.

ئەو رووداوە هەر زوو کاردانەوەی هاندەرانی لێکەوتەوە و هاواریان دەکرد و بە پۆلیسەکانیان دەوت " بێشەرەف ".

بە پێی یاساکانی ئێران دەربڕینی هەستەکان لە نێوان ژنان و پیاوان و هەر پەیوەندییەکی دیکەی نێوانیان لە دەرەوەی چوارچێوەی هاوەسەرگیری قەدەغەیە.

Scandal in Iran after a goalkeeper had the audacity to hug a female fan who stormed the pitch.

The police quickly attacked the goalkeepers, with the entire Stadion chanting “shameless” at the police.

Hugs between opposite sexes are forbidden pic.twitter.com/0QxLIzzv5T

— Visegrád 24 (@visegrad24) April 13, 2024