سێنتكۆم لە بارەی هێرشەكانی سەر بنكەیەكی حەشدی شەعبی لە پارێزگای بابل روونكردنەوەیەكی بڵاوكردەوە.
فەرماندەیی ناوەندیی سوپای ئەمریكا (سێنتكۆم) لە راگەیەندراوێكدا بڵاویكردەوە:" بەهیچ شێوەیەك هێزەكانمان پەیوەندیان بە بە ئامانجگرتنی بنكەی سەربازی چەكدارانی حەشدی شەعبی لە پارێزگای بابلەوە نییە".
ئاگاداری ئەو هێرشانە نەبووین كە كرانە سەر بنكەی سەربازی كاڵسۆ
ئاماژەی بەوەشكردووە:" ئاگاداری ئەو هێرشانە نەبووین كە كرانە سەر بنكەی سەربازی كاڵسۆی سەر بە حەشدی شەعبی و ئەو راپۆرتانەی ئەمریكا دەكەنە بەرپرسیار، دوورن لە راشتییەوە".
هێزە ئاسمانییەكانی وڵاتەكەمان چالاكی سەربازیان بۆسەر خاكی عێراق ئەنجامنەداوە
روونیشیكردەوە:" دوور و نزیك هێزە ئاسمانییەكانی وڵاتەكەمان هیچ چالاكییەكی سەربازیان بۆسەر خاكی عێراق ئەنجامنەداوە".
ئەمەش لەكاتێكدایە بەهۆی بە ئامانجگرتنی بنكەی سەربازی چەكدارانی حەشدی شەعبی لە پارێزگای بابل سێ چەكدار برینداربوون و بنكەكە سەر لەبەری وێران بوو.