دەربارەی كشانەوەیان لە پڕۆسەی سیاسی و بایكۆتكردنی دانیشتنەكانی پەرلەمانی عێراق، وتەبێژی حزبی تەقەدومی محەممەد حەلبوسی روونكردنەوە دەدات. 

 یەحیا محەممەدی، وتەبێژی حزبی تەقەدومی محەممەد حەلبوسی لە لێدوانێكدا رایگەیاند:" پۆستی سەرۆكی پەرلەمانی عێراق وەرنەگرن لە پڕۆسەی سیاسی دەكشێنەوە".

سازش لەسەر پۆستی سەرۆكی پەرلەمان ناكەن

ئاماژەی بەوەشكردووە:" بە هیچ جۆرێك سازش لەسەر پۆستی سەرۆكی پەرلەمان ناكەن، چونكە گەورەترین هێزی سوننەین و خاوەنی 43 كورسین و لەهەر ئەگەرێكدا پۆستی سەرۆكی پەرلەمان بۆ تەقەدوم نەبێت، بڕیاری بایكۆتكردنی پرۆسەی سیاسی دەكەن".

نوری مالیكی و دەوڵەتی یاسا پشتیوانی له مەحموود مەشهەدانی دەكەن

باسی لەوەشكردووە:" نوری مالیكی و دەوڵەتی یاسا پشتیوانی مەحموود مەشهەدانی بۆ پۆستی سەرۆكی پەرلەمان دەكەن".

ئەمەش لەكاتێكدایە (14/11/2023)وەوە، محەممەد حەلبوسی لە سەرۆكایەتیی پەرلەمانی عێراق دورخراوەتەوە و پۆستەكە بە وەكالەت لەلایەن موحسین مەندەلاوییەوە بەڕێوەدەبرێت.