قوباد تاڵەبانی رایگەیاند، یادی شەهیدانی قەڵادزێ بۆ هەتاهەتایە بە بەرزی و پیرۆزی رادەگرین.
ئەمڕۆ چوارشەممە، قوباد تاڵەبانی، جێگری سەرۆکی حکومەتی هەرێمی کوردستان لە پەیامێکدا لەژێر ناونیشانی"رۆژێکیتر و تاوانێکیتر" رایگەیاندووە، لە رۆژمێری کورددا، هەر رۆژەی بیرخەرەوەی تاوانێکە کە لە حەقی ئەم گەلەدا کراوە.
باسی لەوەش کردووە، 50 ساڵ لەمەوبەر بە سەرپەرشتی راستەوخۆی سەدام حسێن، دیکتاتۆری پێشووی عێراق، قەڵادزێی هەمیشە خۆڕاگر و بینای زانکۆی سلێمانی کە ئەوکات لە قەڵادزێ بوو، بۆردومان کرا و بە سەدان هاوڵاتیی مەدەنی و لە ناویشیاندا مامۆستا و خوێندکاری زانکۆ شەهید و برینداربوون.
رۆژی شەهیدانی زانکۆ بۆ هەتاهەتایە بە بەرزی رادەگرین
قوباد تاڵەبانی دەشڵێت، یادی ئەو شەهیدانە و رۆژی شەهیدانی زانکۆ بۆ هەتاهەتایە بە بەرزی و پیرۆزی رادەگرین و هەرگیزیش ئەو تاوانە و هیچ تاوانێکی دیکەی رژێمی بەعس لەبیر ناکەین.