وتەبێژی سەرۆکایەتی هەرێمی کوردستان رایگەیاند، بەم نزیکانە نێچیرڤان بارزانی سەردانی بەغدا دەکات.
ئەمڕۆ چوارشەممە، دڵشاد شەهاب، وتەبێژی سەرۆکایەتی هەرێمی کوردستان لە کۆنگرەیەکی رۆژنامەوانیدا رایگەیاند:" بەم نزیکانە نێچیرڤان بارزانی سەرۆکی هەرێمی کوردستان سەردانی بەغدا دەکات و لەگەڵ لایەنەکانی هاوپەیمانی بەڕێوەبردنی دەوڵەت کۆدەبێتەوە.
ناکۆکییە ساسییەکان گورزی یاسایی و سیاسییان لە هەرێم داوە
وتیشی، ناکۆکییە ساسییەکانی ناوخۆ گورزی یاسایی و سیاسی لە هەرێمی کوردستان داوە، ناکۆکییەکانی پەیوەست بە یاسای هەڵبژاردن زیانی بە هەرێمی کوردستان گەیاندووە، بوونی پەرلەمانێک کە نوێنەری راستەقینەی خەڵک بێت، لە هەموو پرسێکی دیکە گرنگترە.