مەسعود بارزانی رایگەیاند، بۆردومانکردنی قەڵادزێ و زانکۆی سلێمانی
لاپەڕەیەکی رەشی دڕندەیی و بێ باکیی رژێمی پێشووی عێراقە لەبەرامبەر گەلی کوردستان.
مەسعود بارزانی، سەرۆکی پارتی دیموکراتی کوردستان لە پەیامێکدا
ئاماژەی بەوەکرد:" لە 50هەمین ساڵیادی بۆردومانی زاڵمانەی قەڵادزێ و زانکۆی
سلێمانیدا سڵاو بۆ گیانی شەهیدانی ئەو کارەساتە و هەموو شەهیدانی کوردستان ".
لە رۆژی 24ی نیسانی 1974 رژێمی بەعس شاری قەڵادزێ و زانکۆی سلێمانی
بۆردومانکرد، کە بەهۆیەوە سەدان هاوڵاتی سڤیل و مامۆستای زانکۆ شەهیدبوون.