پەیوەست بە هاوردەكردنی هێلكە و بەرهەمهێنانی هێلكە لەنێو خاكی عێراق، ئەنجومەنی وەزیرانی عێراق كۆمەڵێك بڕیاری دەركرد.
نوسینگەی راگەیەندنی سەرۆك وەزیرانی عێراق لە راگەیەندراوێكدا بڵاویكردەوە:" ئەنجومەنی وەزیرانی عێراق لە كۆبوونەوەی ئەمڕۆی خۆیدا بڕیاریداوە رێژەی باجی گومرگی هاوردەكردنی هێلكە بۆ 70% بەرز بكاتەوە".
دەبێت بەرهەمهێنەران لێبڵی ستاندارد لەسەر بەرهەمەكانی هێلكە دابنێن
ئاماژەی بەوەشكردووە:" بڕیاریش داروە بە پابەندكردنی بەرهەمهێنەران بە دانانی لێبڵی ستاندارد لەسەر بەرهەمەكانی هێلكە (ناوی بەرهەم، رێكەوتی بەرهەمهێنان و بەسەرچوون)ی و گشت بەرهەمهێنەرانی هێلكەی پابەند كردووە لە ماوەی سێ مانگدا، ئەو بڕیارە جێبەجێبكەن و لەسەر هەموو هێلكەیەك ئەو زانیارییانە بنووسن".
دەبێت رێگری بكرێت لە گواستنەوەی ئەو هێلكانە كە رێكەوتی بەرهەمهێنان و بەسەرچوونیان لەسەر نەنووسراوە
ئاشكراشیكردووە:" ئەنجومەنی وەزیران بڕیاری داوە رێگر بكرێت لە گواستنەوەی ئەو هێلكانە كە رێكەوتی بەرهەمهێنان و بەسەرچوونیان لەسەر نەنووسراوە، لە نێوان پارێزگاكاندا"