سەرچاوەیەک لە پۆلیسی
گەرمیان رایگەیاند، ناو تۆمارکردن لە پڕۆژەی "هەژماری من" بۆ ئەفسەر و کارمەندانی
بەڕێوەبەرایەتییەکە ئارەزوومەندانەیە، دەشڵێت " فشار لە هیچ کەسێک ناکرێت بۆ
کردنەوەی ئەو هەژمارە ".
یەکشەممە گۆڕانکاری لەو نوسراوەدا دەکەین
سەرچاوەیەک لە بەڕێوەبەرایەتی
پۆلیسی گەرمیان بە BMC راگەیاند، هەڵەیەک لەو نووسراوەدا هەبووە کە بەناوی
بەڕێوەبەرایەتییەکەوە لەبارەی پڕۆژەی " هەژماری من" بڵاوکراوەتەوە و
رۆژی یەکشەممە گۆڕانکاری لەو نوسراوەدا دەکەن.
ئەوەشی خستەڕوو،
کردنەوەی "هەژماری من" ئارەزوومەندانەیە و فشار لە هیچ کەسێک ناکرێت، واتا
سەرجەم ئەفسەر و کارمەندان ئازادن لەوەی ناوی خۆیان لەو پڕۆژەیە تۆمار بکەن یاخود
نا.