ئەندامێکی پەرلەمانی عێراق رایگەیاند، دادگای فیدراڵی ئامادە نییە روونکردنەوە
لەسەر سێ مووچە نەدراوەکەی ساڵی رابردووی مووچەخۆرانی هەرێم بدات.
سۆران عومەر، ئەندامی پەرلەمانی عێراق لە راگەیەندراوێکدا ئاماژەی
بەوەکرد:" دادگای فیدراڵی رەتیکردەوە روونکردنەوە لەسەر پێنەدانی سێ مووچەکەی
ساڵی 2023 بدات، بە بیانووی ئەوەی بابەتەکە لەدەسەڵاتی دادگاکەیان نییە ".
پێویستە حکومەتی هەرێم وەڵام بداتەوە
ئەوەشی خستەڕوو:" دوای
ئەوەی نوسراوم ئاراستەی سەرۆکی حکومەتی ناوەند کرد ئەوان وەڵامەکەیان خۆ لادان بوو
لەبەرپرسیارێتی گەڕاندنەوەی سێ مووچەکە، ئێستا پێویستە حکومەتی هەرێم وەڵام
بداتەوە ".