پاش کەمێکی دیکە هەریەکە
لە سەرۆککۆماری عێراق و سەرۆکی هەرێمی کوردستان کۆبوونەوەیەک ئەنجام دەدەن.
نێچیرڤان بارزانی سەرۆکی هەرێمی کوردستان گەیشتە کۆشکی سەلام
بەگوێرەی زانیارییەکان،
کەمێک پێش ئێستا نێچیرڤان بارزانی سەرۆکی هەرێمی کوردستان گەیشتە کۆشکی سەلام لە
بەغدا و لەلایەن د. لەتیف رەشید سەرۆککۆماری عێراقەوە پێشوازی لێکرا.
بڕیارە هەردوو ناوبراو
کۆبوونەوەیەکی دووقۆڵی ئەنجامبدەن و تیایدا پرسی هەڵبژاردنی داهاتووی پەرلەمانی
کوردستان و دیاریکردنی سەرۆکێکی نوێ بۆ ئەنجومەنی نوێنەرانی عێراق تاوتوێ بکەن.
هاوکات زنیارییەکان ئەوە
ئاشکرا دەکەن، پرسی گرفتی مووچەی فەرمانبەرانی هەرێمی کوردستان یەکێکی دیکە دەبێت
لەو تەوەرانەی کە لەنێوان د. لەتیف رەشید و نێچیرڤان بارزانی تاوتوێ دەکرێت.