لیژنەی ئەمنی سلێمانی لەبارەی رووداوی تەقەکردنەکەی شەوی رابردووەوە راگەیەندراوێکی بڵاوکردەوە.
لیژنەی ئەمنی سلێمانی رایگەیاند:" هەرکەسێک لە
پشت رووداوی تەقەکردنەکەی شەوی رابردووەوە بێت لێپرسینەوەی توندی لەگەڵدا دەکرێت و
ئەو کەسانەی تۆمەتبارن رووبەڕووی یاسا دەکرێنەوە".
١٠ کەس رەوانەی نەخۆشخانە کراون
ئەمەش لە کاتێکدایە شەوی رابردوو لە گەڕەکی سەرچناری شاری سلێمانی شەڕ و ئاڵۆزی لە نێوان هێزە ئەمنییەکانی سلێمانی و هێزی ئاڵتونیدا دروستبوو، پێشنیوەڕۆی ئەمڕۆش بەڕێوەبەری نەخۆشخانەی شار رایگەیاند، بەهۆی رووداوەکەوە ١٠ کەس رەوانەی نەخۆشخانە کراون.