فەهمی بورهان رایگەیاند، بەشێوەیەکی ئاشکرا لە ناوچە کوردستانییەکانی دەرەوەی هەرێم زەوییە کشتوکاڵییەکانی کورد داگیردەکرێت.
فەهمی بورهان سەرۆکی دەستەی ناوچە کوردستانییەکانی
دەرەوەی ئیدارەی هەرێم لە کۆنگرەیەکی رۆژنامەوانیدا رایگەیاند:" بەڵێنمانداوە
لە رێگەی خەونێکی هاوبەشەوە مامەڵەیەکی هێمن لەگەڵ ناوچەکانی دەرەوەی ئیدارەی
هەرێمدا بکەین، هەتاوەکو کۆی بڕگەکانی ماددەی ١٤٠ لەو ناوچانە جێبەجێ نەکرێت نابێت
قسە لەسەر ژیانی کۆمەڵایەتی و ئیداری و سیاسی بکەین".
بەشێوەیەکی ئاشکرا و بە بەرچاوی حکومەتی عێراقەوە لە ژێر ناوێکی دیکەدا تەعریب بەجۆرێکی دیکە درێژەی هەیە
ئاماژەی بەوەشکرد:" ئێمە زۆر نیگەرانین
لە بارودۆخی ئیداری و خزمەتگوزاری ئەمنی لە ناوچە کوردستانییەکانی دەرەوەی هەرێم،
بەشێوەیەکی ئاشکرا و بە بەرچاوی حکومەتی عێراقەوە لە ژێر ناوێکی دیکەدا تەعریب درێژەی هەیە و زەویە کشتوکاڵیەکانی کورد داگیردەکرێت".
لە زۆر جێگاش دەبینرێت کە هێزە ئەمنییەکان پاڵپشتی ئەو جۆرە جوڵانە دەکەن کە دژی کورد دەگیرێتە بەر
باسیلەوەشکرد:" لە زۆر جێگاش دەبینرێت کە هێزە ئەمنییەکان پاڵپشتی ئەو جۆرە
جوڵانە دەکەن کە دژی کورد دەگیرێتە بەر هەموو ئەوانەش پێچەوانەی بنەماکانی ئاشتی و
ئەو خاڵانەیە کە هەردوولا لەسەری رێککەوتوون".
دەبێت وەکو حکومەتی هەرێمی کوردستان و سەرکردایەتی سیاسی کورد زۆر بە هێمنی مامەڵەی لەگەڵدا بکەین
فەهمی بورهان وتیشی:" بۆمان دەرکەوتووە،
لە دوای جەژنی قوربان ئامادەکاری دەکرێت بۆ ئەنجامدانی سەرژمێری لە عێراقدا و ئەمەش
بابەتێکی مەترسیدارە و دەبێت وەکو حکومەتی هەرێمی کوردستان و سەرکردایەتی سیاسی
کورد زۆر بە هێمنی مامەڵەی لەگەڵدا بکەین و ناکرێت بێباک بین بەرامبەری، دەبێت بە
وردی خوێندنەوە بکرێت و پاشان سەرژمێری ئەنجام بدرێت".
ئێستا لە خانەقین عەرەبێکی زۆری هاوردە کە لدوای ٢٠٠٦ و ٢٠٠٧ قەرەبووکراونەتەوە گەڕاوەنەتەوە
ئاشکراشیکرد:" ئێستا لە خانەقین
عەرەبێکی زۆری هاوردە کە لدوای ٢٠٠٦ و ٢٠٠٧ قەرەبووکراونەتەوە گەڕاوەنەتەوە
ناوچەکانی خۆیان، بەپێچەوانەشەوە کۆچێ پێچەوانەی کوردان بوونی هەیە لە خانەقینەوە
بۆ ناوچەکانی دیکەی گەرمیان سلێمانی، لە دەوروبەری کەرکوکیش جارێکی دیکە زەوی
داگیر دەکرێت و لە رووی خزمەتگوزاری و ئەمنهیشەوە دۆخی تەواوی ناوچەکە
خراپە".