قوباد تاڵەبانی رایگەیاند، بە وردی چاودێری لێکۆڵینەوەکان سەبارەت بە روداوەکەی ئەمڕۆ دەکات کە تیایدا ئۆتۆمبێلەکەی عەتا سەراوی بە ئامانج گیرا.
قوباد تاڵەبانی جێگری سەرۆک وەزیرانی هەرێم
رایگەیاند:" سەرجەم هێزە ئەمنیەکان راسپێردراون بە مەبەستی بەدواداچون و لێکۆڵینەوە
لەو روداوەی ئەمڕۆ تیایدا ئۆتۆمبێلەکەی عەتا سەراوی ئەندامی پێشوی سەرکردایەتی
یەکێتی نیشتمانی کوردستان کرایە ئامانج".
ئاماژەی بەوەشکرد:" رێگە بە هیچ کەسێک نادرێت
ئارامی و دۆخی شاری سلێمانی تێکبدات و خۆم بە وردی چاودێری لێکۆڵینەوەکانی تایبەت
بە رووداوەکەی ئەمڕۆ دەکەم".
نیوەڕۆی ئەمڕۆ هەینی، لە گەڕەکی شەهیدانی سەرچنار لە
سلێمانی ئۆتۆمبێلی عەتا سەراوی ئەندامی پێشوی سەرکردایەتی یەکێتی نیشتمانی
کوردستان کرایە ئامانج و روداوەکە هیچ زیانێکی گیانی لێنەکەوتەوە.