سەبارەت بە وەرگرتنی رەزامەندی بە مەبەستی دابینكردنی مینحەی كەمئەندامی و ئاڕاستەكردنی ناوی زیاتر لە 13 هەزار كەس بۆ وەزارەتی دارایی عێراق، روونكردنەوە دەدرێت.
وەزارەتی كار و كاروباری كۆمەڵایەتی لە راگەیەندراوێكدا بڵاویكردەوە:" دوای وەستانی زیاتر لە 10 ساڵ لە پرۆسەی ناونووسكردنی نوێی كەمئەندامانی كوردستان، رەزامەندی وەرگیرا بۆ ئەوەی ناوەكانیان بە مەبەستی دابینكردنی مینحەی كەمئەندامی ئاڕاستەبكرێت".
ئەو كەمئەندامە نوێیانەی كە لە قۆناغی یەكەمن، زیاتر لە 13 هەزار كەسە و پشكنینیان بۆ كراوە
باسی لەوەشكردووە:" ئەو كەمئەندامە نوێیانەی كە لە قۆناغی یەكەمن، زیاتر لە 13 هەزار كەسە و پشكنینیان بۆ كراوە، نووسراو ئاڕاستەی وەزارەتی دارایی حكومەتی فیدڕاڵ دەكرێت، بەمەبەستی داواكردنی تەرخانی دارایی بۆیان".