سەرۆکی دەستەی
وەبەرهێنانی هەرێم رایگەیاند، هەرێمی
کوردستان لە ڕووی وەبەرهێنانەوە لە عێراق پێشکەوتووتر، دەشڵێت " عێراق دەیەوێت
سوود لە ئەزموونی وەبەرهێنان لە هەرێمی کوردستان وەربگرێت ".
محەمەد شوکری، سەرۆکی دەستەی وەبەرهێنانی حکومەتی هەرێمی کوردستان
ئاماژەی بەوەکرد:" سەرەڕای قەیرانەکان لە ڕووی جێبەجێکردنی پڕۆژەکانەوە لە
پێش عێراقەوەین، هۆکارەکەشی بۆ ئەو ئاسانکارییانە دەگەڕێتەوە کە حکومەتی هەرێم لە
سێکتەرەکەدا کردوویەتی ".
هەرێمی کوردستان چاوی زۆرترین وەبەرهێنەری ناوخۆی و بیانی لەسەرە
ئەوەشی خستەڕوو:" هەرێمی کوردستان بەراورد بە عێراق سەقامگیرترە
بۆیە، چاوی زۆرترین وەبەرهێنەری ناوخۆی و بیانی لەسەرە ".
سالێ رابردوو 155 مۆڵەتی وەبەرهێنان بە وەبەرهێنەران دراوە
محەمەد شوکری باسی لەوەشکرد:" 2023 ساڵیکی نموونەیی بووە لە پرسی
وەبەرهێنان، کە تێیدا 155 مۆڵەتی وەبەرهێنان بە وەبەرهێنەران دراوە ".
وتیشی:" وەبەرهێنەرانی ناوەڕاست و خوارووی عێراق خواستی ئەوەیان
هەیە کە بێن لە هەرێمی کوردستان وەبەرهێنان بکەن، هەروەها ئامانجی دەستەی
وەبەرهێنان لە ساڵی 2024 ئەوەیە نزیکەی 200 مۆڵەت بە وەبەرهێنەران بدرێت ".