یەکێتی نیشتمانی
کوردستان چاوەڕێی پارتی دەکات بۆ ناردنی لیستی کاندیدەکانی بۆ کۆمسیۆن و پارتیش
دەڵێت، قسەی نوێیان دەبێت.
ئەمڕۆ پێنجشەممە 28ی
ئادار، کۆتا وادەیە بۆ ئەوەی لایەنە سیاسییەکانی هەرێمی کوردستان ناوی
کاندیدەکانیان پێشکەشی کۆمسیۆنی باڵای هەڵبژاردنەکان بکەن بۆ ئەوەی بۆ هەڵبژاردنی داهاتووی
پەرلەمانی کوردستان تۆماربکرێن.
لەوبارەیەوە سەرچاوەیەک
لە پارتی دیموکراتی کوردستان بە BMC راگەیاند:" لە چەند کاتژمێری داهاتوودا لە رێگەی وتەبێژەکەمانەوە زانیاری نوێ
ئاشکرا دەکات لەبارەی بەشداریکردنمان لە هەڵبژاردنی داهاتوو".
لەلایەکی دیکەشەوە سەرچاوەیەکی
باڵا لە یەکێتی نیشتمانی کوردستان BMC وت:" لە ئێستادا سەرقاڵی ئامادەکردنی لیستی کاندیدەکانمانین،
بەڵام تاوەکو پارتی لیستی کاندیدەکانی بۆ کۆمسیۆن نەنێرێت، ئێمە لیستەکەمان نانێرین".