زۆرجار لەلای خانمان دەبێتە پرسیار ئاخۆ سكپڕی دوو كۆرپەلە بەچی و چۆن روودەدات و هۆكارەكانی چیین، بۆ ئەم نەبەستەش پزیشكێكی پسپۆڕ وەڵام دەداتەوە.

 خێڵان كەریم بەرزنجی، پزیشكی پسپۆڕی نەشتەرگەری، نەخۆشییەكانی ژنان، منداڵبوون، نەزۆكی و چاودێری دووگیان لە راگەیەندراوێكدا بڵاویكردەوە:" ئەم بارودۆخە بەمانای بوونی دوو كۆرپەلە لە ناو مناڵداندا دێت و كۆمەڵێك هۆكار هەن بۆ ئەوەی سكپڕی دووان رووبدات".

ئەو هۆكارانەی پەیوەستن بەم بارودۆخەوە بریتین لە: 

 - ئەگەر  یەك هێلكە بپیتێنرێت بە یەك سپێرموە ئەوا هێلكە پیتێنراوەكە دابەش ببێت بۆ دوو كۆرپەلە، لێرەدا بەرهەمی سكپڕی یەكە دوو كۆرپەلەی تەواو هاوشێوەی یەك دەبێت.

- ئەگەر دوو هێلكە بە دوو سپێرم بپێتێنرێن ئەوا بەرهەمی سكپڕی یەكە دووكۆرپەلەی نا هاوشێوە دەبێت.

كێن ئەو خانمانەی كە سكپڕی دووانەیان دەبێت؟!

سكپڕی دووانە ئەگەری هەیە لەم خانمانەدا دروست ببێت:

- تەمەنی دایك: لەگەڵ گەورە بوونی تەمەنی دایك ڕێژەی سكپڕی دووانە زیاد دەكات، دەركەوتووە سكپڕی دووانە لەوخانمانەدا زۆرە كە تەمەنیان لە كۆتایی 30ییەكندایە.

- ئەو خانمەی چەند منداڵێكی دیكەی هەیە.

- بۆماوەیی لە خێزانی خانمەكە: واتە بوونی سكپڕی دووانە لە خێزانی خانمەكە.

- دەرمان: بەكارهێنانی دەرمانی چارەسەری نەزۆكی و بەهێزكردنی هێلكەدان.